Өсвөрийн парламент-2023 хөтөлбөрийн оролцогч хүүхдүүд “Эрүүл орчин-Эрүүл хүүхэд” нөлөөллийн аяны хүрээнд ерөнхий боловсролын сургуулиудад цэвэр ус, ариун цэврийн хэрэглэгдэхүүн хүртээмжтэй, шаардлага хангаж байгааг үнэлэх зорилгоор Мандал, Эрдмийн далай цогцолбор сургууль, Цэгц билиг сургуулиудын орчинд үнэлгээ хийлээ. Үүнд: ✅Ундны ус ✅Ариун цэврийн өрөө ✅Гарын эрүүл ахуй Хамтран ажилласан: Дундговь аймгийн Эрүүл мэндийн газрын Орчны эрүүл мэндийн асуудал хариуцсан мэргэжилтэн Б.Ширчмаа-д талархал илэрхийлье. ДУНДГОВЬ АЙМГИЙН ХҮҮХЭД, ГЭР БҮЛИЙН ХӨГЖИЛ, ХАМГААЛЛЫН ГАЗАР

Дундговь аймгийн Засаг даргын Тамгын газрын Залуучуудын хөгжлийн төвтэй хамтран Олон улсын эмэгтэйчүүдийн эрхийг хамгаалах өдрийг тохиолдуулан Охид, эмэгтэйчүүдийн эсрэг үйлдэгдэж буй жендерт суурилсан хүчирхийллийг эсэргүүцэх, тэдний эдийн засаг, сэтгэл санаа, бие махбод, бэлгийн эрх чөлөө хэрхэн зөрчигдөж буй, үүнийг таслан зогсооход нийгмийн ойлголт, хандлага, мэдлэгийг нэмэгдүүлж, эмэгтэйчүүдийг хүчирхэгжүүлэх зорилгоор “Нэг тэрбумаараа тэмцье” эмэгтэйчүүдийн эрх чөлөөний алхалтыг зохион байгууллаа. Тус эрх чөлөөний алхалтад төрийн байгууллага, аж ахуйн нэгжийн 200 гаруй албан хаагч болон иргэд, сурагчдын төлөөлөл оролцож, үзэл бодол, үйл хөдлөлөөрөө нэгдлээ. ДУНДГОВЬ АЙМГИЙН ХҮҮХЭД, ГЭР БҮЛИЙН ХӨГЖИЛ, ХАМГААЛЛЫН ГАЗАР

Хүүхдийн нийгэмд оролцох оролцоог нэмэгдүүлэх, өөрт хамаарах асуудлаар шийдвэр гаргах, үнэлэлт өгөхөд оролцож, хүүхдийн санал, санаачилгыг дэмжиж, оролцоонд тулгуурлан аймгийн хүүхдийн зөвлөлийг шинэчлэн байгуулан, салбар хуралдаанаас гарсан шийдвэрийг хүүхдийн өмнө үүрэг хүлээгч нарт гардуулан өгөх зорилгоор “Нэгдүгээрт хүүхэд” аймгийн хүүхдийн 13-р чуулганыг Мандалговь хотноо 2022 оны 11 дүгээр сарын 29, 30-ны өдрүүдэд зохион байгуулагдаж байна. Нийт 11 сумын 15 ерөнхий боловсролын сургуулийн 130 гаруй төлөөлөгч хүүхдүүд, сургуулийн нийгмийн ажилтнууд, хүүхдийн элч нар оролцож байна.